#
#
Дүйсенбі 19/02/2018

Қатты аязға байланысты Қазақстанның бірқатар өңірінде сабақ болмайды

  • 26.01.2018
  • 0
  • 591

Қазақстанның бірқатар өңірінде ауа райының қолайсыздығына байланысты жұма күні сабақтар өткізілмейтін болды, деп хабарлайды «ҚазАқпарат».

Астанада 26 қаңтарда ауа райының колайсыздығына байланысты (қатты аяз) қала мектептерінің бірінші және екінші ауысымындағы 0-11 (12) сынып оқушыларына және колледждердің 1-2 курс студенттері үшін сабақ болмайды.

Алматыда 26 қаңтарда температураның -25 градусқа төмендеуіне байланысты мектептерде 1-9 сыныптарға сабақ болмайды.

Ақмола облысында 26 қаңтар күні 33-38 градус суық болады. Мектепте 0-11 сынып оқушылары мен колледждердің 1-2 курс студенттері үшін сабақ тоқтатылды.

Солтүстік Қазақстан облысында 26 қаңтарда 30-35 градус аязға байланысты 0-ден 4 сынып аралығында сабақтар өткізілмейтін болды.

Алматы облысында 0-ден 4 сынып оқушыларының сабақтары тоқтатылды.

Жамбыл облысы Білім басқармасының мәліметінше, ауа райының қолайсыздығына байланысты Тараз қаласында 1-4 сынып оқушылары оқымайды.

Сондай-ақ, Мойынқұм мен Сарысу аудандарында ғана бастауыш сынып оқушылары үшін сабақ болмайтыны хабарланды.

Шығыс Қазақстан пен Павлодар облыстарында бірінші және екінші ауысымдағы 1-11 сынып оқушыларына, сондай-ақ 1-2 курс коледж студенттеріне сабақ болмайды. 

0 пікір

Пікір қалдыру

Чтобы оставлять комментарий нужно зарегистрироваться или авторизироваться
БАННЕР

Аймақтар жаңалықтары

Басқа да мақалалар