_48_48.webp)
Ақтау халықаралық әуежайында ірі мөлшерде героин тасымалдағандар ұсталды, деп хабарлайды ҰҚК.
2020 жылғы ақпанның басында Ақтау халықаралық әуежайында Ұлттық қауіпсіздік комитеті Ираннан «героин» есірткі затының контрабандасын ұйымдастыру фактісі бойынша Қазақстанның үш азаматын ұстады, олар есірткіні асқазанына салып тасымалдаған.
Жедел-іздестіру іс-шараларын жүргізу нәтижесінде ұсталғандардың ішкі құрылысынан 302 героин капсуласы тәркіленді. Оның құны 50 миллион теңге, жалпы салмағы шамамен 1 кг
(5 000 біржолғы мөлшерлемеге бара-бар) құрайды.
Осы факт бойынша ҚР ҚК 297-бабының 3-бөлігі, 286-бабы 2-бөлігінің 4-тармағы мен 4-бөлігі бойынша қылмыстық іс қозғалды. Ұсталған адамдар тергеу изоляторына қамалып, сотқа дейінгі тергеу жалғасуда.
898 рет оқылды
_80_80.webp)
