#
#
Сенбі 06/06/2020

Елордада пневмония, ЖРВИ диагнозы бар пациенттерге 2 медициналық мекеме дайындалды

  • 29.03.2020
  • 0
  • 204

Елордада пневмония және жедел респираторлы вирустық инфекция (ЖРВИ) диагнозы бар пациенттер 2 медициналық мекемеге ғана жеткізіледі, деп хабарлайды "Ұлт ақпарат".

Олар – Орталық жол ауруханасы және №2 қалалық емхана. 

Ә.Молдағұлова көшесінде орналасқан Орталық жол ауруханасының терапия корпусына пневмониясы бар пациенттер ғана жеткізілетін болады. Блокта оқшауланған қабылдау-диагностикалық бөлімше ұйымдастырылған. Пациенттер коронавирусқа да тексеріледі. 

Ал ЖРВИ белгілері бар науқастарды тек №2 қалалық емхана (Желтоқсан көшесі, 36) қабылдайды. Емханада емделушілерге коронавирус инфекциясына зертханалық-диагностикалық зерттеулер жүргізіледі. 

Сондай-ақ, үш көпбейінді ауруханалардың акушерлік блоктарында барлық қажетті медициналық жабдықтармен жабдықталған, жүкті әйелдерді қабылдау үшін жеке кіретін есігі бар перзентханалар ұйымдастырылды. Осы шаралардың барлығы уақытылы медициналық көмек көрсетуге және инфекцияның таралуын азайтуға бағытталған.

0 пікір

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР

Аймақтар жаңалықтары

Басқа да мақалалар