#
#
Жұма 05/06/2020

Досаев азық-түліктің қымбаттау себебін түсіндірді

  • 12.05.2020
  • 0
  • 140

Қазақстанда азық-түлік пен өзге де тауарлар қымбаттады. Бұл туралы ҚР Ұлттық банкі төрағасы Ерболат Досаев Үкімет отырысында баяндады, деп хабарлайды "Ұлт ақпарат".

«Төтенше жағдай мен карантин талаптарында тамақ өнімдеріне сұраныстың өсуінен Қазақстандағы жылдық инфляция үдеуін жалғастырды және екі ай қатарынан 2020 жылы 4-6% нысаналы дәлізден асты. Биылғы сәуірде инфляция 6,8% деңгейінде қалыптасты. Саудалық серіктес елдерде карантин шаралары енгізіліп, импорт шектелді және ұсыныстың жеткіліксіз болуынан азық-түлік тауарлары бағасы бір айда 1,9% өсті, жылдық өсім 10,4%-ке дейін жылдамдады. Бұл - 2017 жылдан бергі ең жоғары өсім», - деді Ерболат Досаев қаңтар-сәуірдегі әлеуметтік-экономикалық даму қорытындылары туралы Үкімет отырысында. 

Спикердің айтуынша, биылғы сәуірде көбінесе жемістер мен көкөністер – 5,6%, қант – 6,2% және жармалар – 3,4% қымбаттады. 

«Сауда және сервис объектілері қызметінің тоқтатылуына байланысты азық-түлікке жатпайтын тауарлар мен ақылы қызметтер бағасының да өсуі алдыңғы айдың деңгейінде сақталып отыр. Азық-түлікке жатпайтын тауарлар бағасы жылдық мәнде 5,4%-ке өсті. Ұлттық валютаның әлсіреуіне байланысты дәрі-дәрмектер мен жеке қолданыстағы тауарлар сияқты жекелеген тауарлар бағасының өсуі жанар-жағармай бағасының төмендеуімен реттелді. Ақылы қызметтер бағасының жылдық өсуі 3,5% деңгейінде сақталды», - деді Е. Досаев.

0 пікір

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР

Аймақтар жаңалықтары

Басқа да мақалалар