#
#
Сейсенбі 24/10/2017

Дін істері министрлігі сақал, қысқа балақ және қара жамылғы туралы пікір білдірді

  • 31.05.2017
  • 6
  • 8027

ҚР Дін істері және азаматтық қоғам министрлігі діни сипаттағы сыртқы атрибутикаға шектеулер мен тыйымдарды енгізу мүмкіндігін қарастырып жатыр, деп хабарлайды «ҚазАқпарат».

Мекеме өкілдерінің айтуынша, Қазақстан қоғамын өз халқының рухани дәстүрі мен ислам дінінің байыбына жетпей жатып, өз ата-аналарын дінсіз деп айыптайтын жастар алаңдатып отыр.

Олардың кейбірі шетелдік уағызшыларды тыңдап, халқымызға тән емес діни дәстүрлерге бой ұра бастады. Дәл осындай азаматтар сыртқы атрибутикаларға ерекше мән береді: жігіттер сақал жіберіп, балақтарын қысқартады, қыздар қара жамылғыға оранады.

"Қара жамылғыға тыйым салу орамал мен хиджабқа тыйым салуды көздемейді. Бұл тыйым салу мен шектеу адамның бет-жүзін анықтауға мүмкіндік бермейтін киім түрлеріне (никаб, чадра, паранжа) қатысты. Мұнда бір ғана атрибутты емес, теріс ағымның бірнеше белгілерін айтуға болады. Біз бұл мәселені зерттеп жатырмыз, зерттеуден кейін ғана шешім қабылданады», - деді вице-министр Берік Арын Орталық коммуникациялар қызметінде өткен баспасөз мәслихатында.

Оның айтуынша, бұл шектеулер мен тыйымдар кез келген конфессияның діни қызметкерлеріне, шетел азаматтарына және медициналық себеппен немесе қызметтік қажеттілікпен бетперде киюге мәжбүр адамдарға қатысты емес.

6 пікір

  • ҚАЗАҚCәрсенбі, 31.05.2017

    Қара жамылғы, хиджаб киетіндерде ұлттық намыстан түк те қалмағандар. Осы киімді дінді сылтауратып кие отырып, өзінің ұлтын сатып кеткенін сезбейтіндер. Әйтпесе, қазақтың қыздарына, әйелдеріне, келіншектеріне, әжелеріне арналған ұлттық киімдері толып жатыр. Өзге ұлттың киімін кие отырып, сол ұлттың киімін, сол арқылы салты мен дәстүрін насихаттап жатқанын біле ме екен сол жандар? Оны ешқандай да дінмен бүркемелемей-ақ қойыңыздар! Қай дінде болсаңыз да, ҚАЗАҚТЫҚ сана бірінші орында тұруы тиіс. Ал сана киім киюден де қалыптасатыны анық!

  • ҚАЗАҚCәрсенбі, 31.05.2017

    ҚР Дін істері және азаматтық қоғам министрлігінің "қарап жатырмыз" деген уәжі сылтауратып тыйым салмаудың амалы. Олар үшін діндік саясат маңызды. Ал мен сияқты қазаққа ҰЛТТЫҚ саясат маңызды. Қазақ елінде жүреді екенсің, қазақ екенсің - тек қана қазақ киімін ки! Орыс пен ағылшын тілінен құтыла алмай жатқанда, бүйректен сирақ шығарып, киерге киім таппай жалаңаш қалғандай, мазаны алдыңдар ғой!

  • болатБейсенбі, 01.06.2017

    барлығын ашып түсіндіріп берген екен. қара киім мен қысқа балақ біздің дәстүрімізге тән емес, сондықтан тыйым салуымыз қажет

  • МагжанБейсенбі, 01.06.2017

    біз дәстүрімізді ұмытамыз, шетелден келген дәстүрлер мен идеяларына сенеміз

  • ЖайықБейсенбі, 01.06.2017

    Әжем біреудің туысы немесе жақыны қайтыс болса "Ейй бейшара қара жамылып отыр" деп айтатын. Сонда ойлайтынмын қара жамылғаны нес деп. Сөйтсем жақынынан айырылып, қайғырып отырады екенғой. Енді қазіргілердің кигені күнде қара киім, сонда ойлайсың солардың үйінде күнде қаралы жағдай болып жатыр ма деп.

  • АзаматБейсенбі, 01.06.2017

    когда сказали что запретят черное одеяние, все возмушались. Теперь когда стало ясно что платки и хиджабы никто не отменит, надеюсь все будет нормально

Пікір қалдыру

БАННЕР