06 қаң, 2018 сағат 09:59

Димаш Құдайберген Қытайда «Қазақ жауынгерімен» кездесті

Қытайдағы қазақ боксшы «Қазақ жауынгері» - Елшат Нығматоллаұлы (11-0-1, 3КО) Бейжіңде Димаш Құдайбергенмен кездесті. Бұл туралы "Ұлт ақпарат" «ВКонтакте» әлеуметтік желісіндегі «Қазақстанның кәсіби боксы» тобына сілтеме жасап хабарлайды.

Әлі жеңілмеген Елшат Нығметолла кәсіпқой рингтегі келесі кездесуін бүгін 6 қаңтарда Қытайдың Шэньчжэн қаласында өткізбек. Оның қарсыласы индонезиялық Икал Тобида болады.

Айта кетейік, 23 жастағы Қытайдағы қазақ боксшы, WBO тұжырымы бойынша жеңіл салмақта (53,5 келіге дейін - 118 фунт) Азия чемпионы Елшат Нығматоллаұлы (11-0-1, 3КО) 15 желтоқсан күні кәсіпқой бокстағы 12-ші жекпе-жегінде жеңіске жеткен болатын.