14 жел, 2018 сағат 11:50

Демалыс және мереке күндері Қазақстанда ауа райы қандай болады?

Республика аумағымен өтіп жатқан циклон өзімен бірге қар, бұрқасын, екпінді жел әкеледі, деп хабарлайды "Ұлт ақпарат" «Қазгидрометке» сілтеме жасап. 

«Циклонға байланысты орнаған және республиканың батысында қар жаууына себеп болған бұлттар шығысқа қарай ығысуда. Бұлттардың Қазақстан аумағы бойынша жылжуымен бірге қар жауып, бұрқасын болады, екпінді жел соғады, республиканың басым бөлігінде көктайғақ болып, тұман түседі», - делінген хабарламада.

Болжанып отырған кезеңнің соңында тропросфералық ағындардың батыстан солтүстікке ауысуына және антициклонның жылжуына байланысты республиканың көптеген облыстарында күн салқындайды.