#
#
Жұма 05/06/2020

Дағдарысқа қарсы шара барысында орта және шағын бизнесті қолдауға қанша қаржы бөлінді

  • 11.05.2020
  • 0
  • 179

Биыл орта және шағын бизнесті қолдауға қосымша бағытталған қаржының жалпы көлемі - 1 триллион теңге. Бұл туралы Орталық коммуникациялар қызметінде өткен онлайн брифингіде айтылды, деп хабарлайды "Ұлт ақпарат".

«Биыл орта және шағын бизнесті қолдауға қосымша бағытталған қаржының жалпы көлемі 1 триллион теңгені құрайды. Оның 600 млрд теңгесі Ұлттық банк тарапынан болса, 400 млрд теңге «Қарапайым заттар экономикасы« бағдарламасы бойынша бөлінді», - дейді ҚР Ұлттық экономика министрі Руслан Дәленов. 

Оның айтуынша, «Бизнес жол картасы - 2020» аясында субсидиялау бойынша қаржыландыру екі есеге артты. 

«Сондай-ақ, Мемлекет басшысының тапсырмасы бойынша жаңа бағыт жасалуда. Бұл – шағын және микробизнесте жүрген кәсіпкерлерді жеңілдікті қаржыландыру. Бұдан басқа, «Нұрлы жол», «Нұрлы жер», «Өңірлерді дамыту бағдарламасы», «Жұмыспен қамту жол картасы» бағдарламалары аясында инфрақұрылымдық жобалар жүзеге асырылады. Мұның бәрі тура және жанама түрде орта және кіші бизнес субъектілерін қолдайды», - дейді ол.

Еске сала кетсек, елдегі жұмыспен қамтуды және әлеуметтік-экономикалық тұрақтылықты қолдауға бағытталған дағдарысқа қарсы шараларды жүзеге асыру үшін Үкімет 5,9 трлн теңге бөлген.

0 пікір

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР

Аймақтар жаңалықтары

Басқа да мақалалар