#
#
Бейсенбі 15/11/2018

БҚО-да аспаннан беймәлім зат құлады (Видео)

  • 05.07.2018
  • 0
  • 952

Батыс Қазақстан облысы аумағына 5 шілдеге қараған түні шар тәріздес металл бөлшегі құлады, деп хабарлайды "Ұлт ақпарат".

Отты шардың құлағанын жергілікті тұрғындар көрген. Белгісіз нысан Жалпақтал-Қарасу жолынан 300 метрдей жерге, Жұлдыз ауылы маңына түскен.


Қазталов ауданы әкімінің орынбасары Нұретдин Құтқожин аудан аумағына металл бөлшегінің түскенін растады. Оқиға орын алған бойда өрт сөндіру қызметкерлері дер кезінде жетіп, тиісті шараларды алды.

Адам немесе мал шығыны жоқ. Металл түскен жерге жақын елді мекен 16 шақырым қашықтықта орналасқан.

«Қазіргі кезде облыс орталығынан келген төтенше жағдайлар мен экология мамандарынан құралған арнайы комиссия оқиға болған жерге келіп, жұмыс жасауда. Алдағы уақытта анықталғаннан кейін қосымша мәлімет берілетін болады», - деді Н.Құтқожин. 

Облыстық ТЖ департаментінен алынған мәліметке қарағанда, сағат 01.15-те Қазталов ауданы Қарасу ауылдық округіне қарасты Ақмай маңында 47 га, Ыбырайда 48 га жерде құрғақ шөптің жанып жатқаны жөнінде хабар түскен. Шөптің жануы сағат 04.00-де сөндірілді. Оқиға орнында 1 техника мен жеке құрамнан 4 және ерікті өрт жасағынан 10 адам жұмыс жасады.

0 пікір

Пікір қалдыру

Чтобы оставлять комментарий нужно зарегистрироваться или авторизироваться
БАННЕР

Аймақтар жаңалықтары

Басқа да мақалалар