05 ақп, 2018 сағат 18:31

Білім министрлігі ҰБТ-ға қатысты мәлімдеме жасады (Видео)

ҰБТ қалады! Білім министрлігі жоғарғы оқу орындарына түсу үшін ұлттық бірыңғай тестілеуден бас тартуды жоспарлап отырған жоқ. Сондықтан 11-ші сынып бітіретін оқушылар университетке түсу үшін әдеттегідей тестілеуден өтетін болды. Бұл туралы КТК арнасы хабарлады.

Білім министрлігі мұндай мәлімдемені бекер жасап отырған жоқ. Өйткені ел ішінде бірнеше күннен бері жоғарғы оқу орындарына түсу үшін тестілеуден өтудің қажеті жоқ ақпарат тарап кеткен. Ведомство бұл мәліметті жоққа шығарып отыр. Тек тестілеу туралы сертификаттың колледжді таңдаған талапкерлерге керегі жоқ екен. Бұл өзгерістер былтыр қабылданыпты. Соған сай мектеп бітірушілер тестілеудің екі кезеңінен өтеді. Бірінші жағдайда оқушы емтихан тапсырып,соның қортындысы бойынша аттестат алады. Әрі қарай университетке түсу үшін сынақ тапсыру-тапсырмауды өзі шешеді. Яғни колледжге түсуді қаласа, ұлттық бірыңғай тестілеуден өтудің қажеті жоқ.