#
#
Бейсенбі 19/09/2019

Білім министрі: Оқушы болашақ мамандығын 7- сыныптан айқындай бастауы керек

  • 16.08.2019
  • 0
  • 195

Білім және ғылым министрі Асхат Аймағамбетовтың есептеуінше, оқушы қандай мамандықты таңдайтынын 7-ші сыныптан айқындай бастауы керек, деп хабарлайды ҚазАқпарат.

«Жаңа оқу жылында 200 мыңға жуық бала ерте профилизацияға өтеді. Өздеріңіз білетіндей, қазіргі таңда 10 сыныптың оқушылары жаңа бағдарламаға көшеді. Онда белгілі бір пәндер бойынша профилизация қарастырылған. Мен Алматы қаласындағы және бірнеше өңірдегі мектептердің директорларымен кездестім. Кейбір түсініспеушілік бар. Біз нұсқаулық-әдістемелік хатта бұл жайлардың бәрін жаздық. Жалпы, мамандықты айқындау мәселесі – өте өзекті. Бүгінгі таңда мамандықты айқындаудың сипаты мынадай: ЖОО-лар мен колледждер оқушыларға тек 11 сыныпта қысқа немесе көктемге таяу келеді. Оқу орнын жарнамалайды. Ал ол уақытта оқушы өзінің келешектегі мамандығын таңдап та қояды. Бұл мамандықты айқындау емес», - деді министр Тамыз конференциясында.

Асхат Аймағамбетов мамандықты айқындау жұмысы жүйелі сипатқа ие болуы керектігін жеткізді.

«Біздің ойымызша, мамандықты айқындау жетінші сыныптан басталуы керек. Яғни, алдын ала профдиагностика жүргізіліп, қажетті шаралар қабылдануы тиіс. Білім және ғылым министрлігінде бұл жұмысты қалай жүзеге асыру жағынан нақты жоспары бар», - деді Асхат Аймағамбетов.

0 пікір

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР