_48_48.webp)
Батыс Қазақстан облысында алпыстан астам автокөлік қар құрсауынан шығарылды, деп хабарлайды "Ұлт ақпарат".
БҚО төтенше жағдайлар департаментінен түскен мәліметке қарағанда, кеше сағат 21.00-ден бастап Тасқала ауданында Орал-Саратов, Тасқала-Аққурай, сондай-ақ Переметный-Озерный жолдарында барлығы 61 көлікке көмек көрсетілді.
Оның 38-і - жеңіл, 22-сі - жүк көліктері, біреуі - жолаушылар автобусы. Бұл көліктерде барлығы 211 адам болған.
Еске сала кетейік, бұдан бұрын өңірде боранға байланысты жолдар жабылған болатын. ТЖ департаментінің хабарлауынша, барлық облыстық маңызы бар және республикалық Орал-Самара, Орал-Саратов (Переметныйдан бастап) бағытындағы жолдар әлі ашылған жоқ.
1344 рет оқылды
_140_110.webp)
_80_80.webp)
