23 нау, 2020 сағат 11:35

Ауыл партиясы "Ақ қанатты періштедей ақ халатты абзал жандар" челенжін бастады (Видео)

ҚАДІРЛІ ҚАЛАМГЕРЛЕР ҚАУЫМЫ!

ҰЛЫСТЫҢ ҰЛЫ КҮНІ ҚҰТТЫ БОЛСЫН! ЖАҢА ЖЫЛДАН ҚАШАНДА ЖАҚСЫЛЫҚ КҮТКЕН ЕЛМІЗ. ТАБИҒАТТЫ КӨКТЕМНІҢ КҮН ШУАҒЫНА ШОМЫЛДЫРҒАН ӘЗ НАУРЫЗ ХАЛҚЫМЫЗҒА МЫЗҒЫМАС БІРЛІК, ҚАЖЫР – ҚАЙРАТ, МЫҚТЫ ДЕНСАУЛЫҚ СЫЙЛАСЫН ДЕП ТІЛЕЙМІЗ!

ҚАЗІРГІДЕЙ ЕЛ БАСЫНА КҮН ТУҒАН СӘТТЕ АЛАПАТ СЫНАҚТЫҢ АЛҒЫ ШЕБІНДЕ АҚ ХАЛАТТЫ АБЗАЛ ЖАНДАР, АНТЫНА БЕРІК, КӘСІБІНЕ АДАЛ ДӘРІГЕРЛЕР ҚАУЫМЫ ЖҮР. ОЛАР ӘЗ НАУРЫЗДЫ ОТБАСЫМЕН ЕМЕС, ЕМГЕ МҰҚТАЖ ЖАНДАРДЫҢ ҚАСЫНДА ҚАРСЫ АЛДЫ. ІНДЕТТІҢ ШЕҢГЕЛІНЕ ІЛІККЕН ӘРБІР НАУҚАСТЫҢ ДЕРТІНЕ ДАУА ІЗДЕП КҮН ДЕМЕЙ, ТҮН ДЕМЕЙ ХАЛҚЫМЫЗҒА ҚАЛТҚЫСЫЗ ҚЫЗМЕТ ЕТІП ЖАТҚАН ДӘРІГЕРЛЕР МЕН МЕДБИКЕ, КӨМЕКШІ ҚЫЗМЕТКЕРЛЕРГЕ ҚАНША АЛҒЫС ЖАУДЫРСАҚ ТА, АЗДЫҚ ЕТЕДІ. ДӘЛ ОСЫ КҮНДЕРДЕ БІЗ БАРША ҚАЗАҚСТАНДЫҚТАРДЫ ЕРЛІККЕ БАРАБАР ЕҢБЕК ЕТІП ЖҮРГЕН ДӘРІГЕРЛЕРІМІЗДІ ҚОЛДАУҒА ШАҚЫРАМЫЗ. ДӘРІГЕРЛЕРДІ ДӘРІПТЕЙІК, МАДАҚТАЙЫҚ, ЖАНДАРЫНА ҚУАТ БЕРІП, ШАРШАҒАНДАРЫНДА МЕДЕТ БОЛАР ЖЫЛЫ СӨЗІМІЗДІ, ЖЫР – ӘНІМІЗДІ АРНАЙЫҚ.

«АУЫЛ» ПАРТИЯСЫНЫҢ БЕЛСЕНДІ МҮШЕЛЕРІ, БЕЛГІЛІ АҚЫНДАРЫМЫЗ БҮГІН «АҚ ҚАНАТТЫ ПЕРІШТЕДЕЙ АҚ ХАЛАТТЫ АБЗАЛ ЖАНДАР» АТТЫ ЖЫР ЧЕЛЕНЖІН БАСТАЙДЫ. СӨЗ ҰСТАҒАН АҚЫНДАРЫМЫЗДЫ ЧЕЛЕНЖГЕ ҚАТЫСУҒА ШАҚЫРАМЫЗ!

Ауыл Халықтық-демократиялық Патриоттық Партиясы