_48_48.webp)
Қазақстан премьер-министрі Асқар Мамин Нұр-Сұлтан қаласындағы "Астана" концерт залында ашылған №138 сайлау учаскесінде дауыс берді, деп хабарлайды Үкімет басшысының баспасөз қызметі.
Мамин алғашқылардың бірі болып өзінің азаматтық міндетін орындауға келді.
Айта кетсек, № 138 сайлау учаскесінде 2 999 сайлаушы тіркелген.
Сайлау учаскелері сағат 07:00-де ашылды, дауыс беру жергілікті уақытпен 20:00-ге дейін жалғасады. Республика бойынша 10 мыңға жуық сайлау учаскесі жұмысын бастады.
Уақыт белдеуіне байланысты Қазақстанның бес өңірінде – Ақтөбе, Атырау, Батыс Қазақстан, Маңғыстау және Қызылорда облыстарында сайлау учаскелері елорда уақытымен 08:00-де ашылды.
10.00-дегі жағдай бойынша Қазақстанда сайлаушылардың 12,8%-і президент сайлауында өз таңдауын жасап үлгерген.
1539 рет оқылды
_80_80.webp)
