#
#
Сейсенбі 02/06/2020
12:58 Қазақстанда санитарлық-гигиеналық тораптары бар жанармай құю бекеттері салынады 12:55 Күкірті мол газды заңсыз жаққан «Ембімұнайгаз» АҚ-дан 1,3 млрд теңге өндірілді 12:46 Алматының ауасы бензапиренге тексеріледі 12:45 21 миллионға үй алған. Зерттеу Әзербайжан экс-қауіпсіздік министрінің Лондондағы байлығын әшкереледі 12:22 Дархан Қыдырәлі: Қоғамда баланың психологиясын жемқорлыққа жетелейтін жағдайлар бар 12:10 Шымкентте жаппай төбелес кезінде таяқ жеп, комаға күскен жасөспірім көз жұмды 12:10 Нұр-Сұлтанда үлескерлер мәселесі биыл-келер жылы шешіледі – министр 12:04 Қазақстанда халықаралық рейстер кезең-кезеңімен ашылады: Рұқсат берілген мемлекеттер тізімі 12:00 Әуе компаниялары билет құнын айыппұлсыз, толық қайтаруға міндетті – Атамқұлов 11:53 Алматыда құдыққа түсіп, уланып қалған «Алматы су» қызметкерлерінің жағдайы ауыр

«АрселорМитталдағы» апатқа бірқатар лауазымды тұлға кінәлі

  • 10.01.2019
  • 0
  • 771

«АрселорМиттал Теміртау» АҚ және кәсіпорынның бірқатар лауазымды тұлғасы өндіріс ошағында болған апатқа жүз пайыз кінәлі. Бұл туралы ҚР Индустрия және инфрақұрылымдық даму министрлігінен мәлім етті, деп хабарлайды "Ұлт ақпарат".

Ведомство мәліметінше, 2018 жылдың 10 қарашасы күні сағат 19-38-де «АрселорМиттал Теміртау» АҚ-да апат салдарынан топтық жазатайым оқиға болды. Апат салдарынан оттегі цехының ауа бөлу өнімдерінің технологиялық құбырлары бұзылды. Төрт адам зардап шекті. Болған апатты тергеп, тексеру және жазатайым оқиғаның себептерін анықтау үшін Қарағанды облыстық еңбек инспекциясының 2018 жылғы 12 қарашадағы № 205 бұйрығымен өнеркәсіптік қауіпсіздік саласындағы уәкілетті орган өкілінің төрағалығымен комиссия құрылды.

Комиссия ҚР Еңбек кодексінің 189-бабының 1-тармағына және 190-бабының 10-тармағына сәйкес арнайы тексеру жүргізді және ұсынылған материалдар, куәгерлер мен қатысы бар адамдардан сұрақ-жауап негізінде сараптамалық кіші комиссияның қорытындыларымен танысып, төмендегілерді анықтады. Атап айтқанда, технологиялық құбырлардың бұзылуына мынадай себептер болды:

Бірінші, 2018 жылдың 6 қарашасынан бастап апатқа дейін жоғары қысымды оттегі және жоғары қысымды азот құбыр жолдарындағы шығыс пен қысым шамаларының үлкен деңгейде ауытқуына байланысты құбыр жолдарына едәуір динамикалық салмақ түскен. Соның салдарынан 09Г2С болаттың орнына 20 МС 1050-84 болаттан жасалған 126к және 127к тіреуіштерінің арасында 2003 жылы орнатылған диаметрі 720 мм жоғары қысымды оттегі құбыр жолдарының тік сызықты учаскесімен 90º бұрышы тармақтың дәнекерленген жері үзілді.

Екінші, «Линде Қазақстан» ЖШС блоктарынан ауаны бөлу өнімдерін беруді дер кезінде сөндірмеу бұл апаттың таралуына және бұзылу көлемінің үлкеюіне әсер етті.

«Комиссия «АрселорМиттал Теміртау» АҚ және кәсіпорынның бірқатар лауазымды тұлғасы орын алған апатқа жүз пайыз кінәлі деген қорытындыға келді. Жұмыс нәтижелері бойынша комиссия болған апаттың себептерін жою және болашақта осындай жағдайлардың қайталануын болдырмау үшін 15 іс-шара әзірледі. Бұл іс-шаралардың орындалуын бақылауды өнеркәсіптік қауіпсіздік саласындағы уәкілетті орган жүзеге асыратын болады», - деп атап өтеді министрліктен.

0 пікір

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР

Аймақтар жаңалықтары

Басқа да мақалалар