#
#
Cәрсенбі 20/11/2019

Алматы көшесін ыстық су басты

  • 14.10.2019
  • 0
  • 170

Алматыда ыстық су құбырының жарылуы салдарынан көше мен бірнеше көлік су астында қалды. Көліктердің ішінде адамдар болған. Төтенше жағдайлар қызметінің мәліметіне сәйкес, зардап шеккендер жоқ.

Апат түскі сағат бір кезінде Райымбек даңғылы мен Бөкейхан көшелерінің қиылысында болған.

Алматы қаласы тұрғын үй-коммуналдық шаруашылығы және жылуэнергия кешенінің ресми өкілі Ян Гириннің айтуынша, апатқа 700 миллиметрлік құбырдың тозуы себеп болған. Ол 1971 жылы қолданысқа берілген.

"Төтенше жағдай салдарынан көше мен бес көлік су астында қалды. Ешкім айтарлықтай зардап шеккен жоқ. Ер адам ыстық суға күйіп қалды деп ойлаған болатынбыз. Алайда дәрігерлер тексерген соң, ол ауруханаға барудан бас тартты", - деді Ян Гирин.

Алдын ала мәліметке сәйкес, 55 көппәтерлі тұрғын үй, 152 жер үй, 1 лицей, 1 аурухана мен тағы 129 нысан ыстық сусыз қалды.

Қазіргі уақытта оқиға орнында апат салдарын жою жұмысы жүргізіліп жатыр. Бұл іске төтенше жағдайлар қызметінің 18  қызметкері мен 9 техника жұмылдырылған.

Көлік иелерінің шығыны өтелетін болады. Бұл үшін олар тиісті арыз жазу керек.

0 пікір

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР

Аймақтар жаңалықтары

Басқа да мақалалар