Алматылықтар мен қала қонақтары бұған дейін 425 теңгеге сатып алған «Оңай» көлік картасын енді 500 теңгеге сатып алады, деп хабарлайды Baq.kz тілшісі.
Бұл ақпарат instagram-дағы almaty_city парақшасында жазылды.
Алматы көлік холдингіндегілер картаның өзіндік құны 425 теңгеден жоғары екенін айтты.
«Біз тұрғындардың барлығын картамен қамтамасыз ету үшін осы бағаны ұстап тұрдық. Бүгінгі күнге дейін біз 2 млн 11 мың карта жасадық. Қалада 1,5 млн адам тұрады, оның 40%-ы ғана қоғамдық көлікті пайдаланады», - дейді «Алматы қаласы Көлік холдингі» ЖШС-нің (электронды билеттендіру жүйесінің операторы) директоры Самир Хамраев.
Төлемнің басқа тәсілі – құны 2000 теңге тұратын (бұрын 1000 теңге болған) «Оңай» брелоктары мен 700 теңгеге сатылатын дизайнерлік карта.
Сондай-ақ, Алматы автобустарында жолақыны SMS, банк картасы, NFC технологиясы бойынша, Homebank мобильді қосымшасының QR-кодтары арқылы және «SMSBus пассажир» мобильді қосымшасы арқылы төлеуге болады.
2541 рет оқылды
