Алматыдағы «барахолка» базарындағы өрт сағат 17:09-да ауыздықталды, деп хабарлайды "Ұлт ақпарат".
«Алматы қалалық ТЖД «101» пультіне Алатау ауданының солтүстік айналма жолы бойындағы қоймалардың өртенгені туралы хабарлама 6 қыркүйек күні сағат 13:38-де түсті. Өрт сөндіру бригадасы оқиға орнына 3 минутта жетті. Онда жеке құрамнан 64 қызметкер, 20 техника, қалалық ТЖД 115 қызметкері және Алматы полиция департаментінің 16 техникасы, «Алматы тазалық» кәсіпорнының және жасыл экономика басқармасының су тасымалдайтын 15 көлігі тартылды. «Қазавиақұтқару» АҚ КА-32 және Алматы қалалық құтқару қызметінің 109-МИ 8 ұшағы жұмылдырылды», - деп хабарлайды ТЖД.
Полиция қызметкерлері қоймадағы тауарларды сақтау үшін қоршауға алды. 15 сағат 36 минутта өрт базардың батыс жағында оқшауланды. 16 сағат 10 минутта оңтүстік жағы да ырыққа көнді. 17:09-да өрт толығымен ауыздықталды.
Болжам бойынша, өрт 2200 шаршы метр аумақты шарпыған. Зардап шеккендер жоқ.
1434 рет оқылды
