#
#
Бейсенбі 09/04/2020

Алматы әкімдігі подъездер мен аулаларды дезинфекциялау жұмысын күшейтті

  • 25.03.2020
  • 0
  • 90

Алматы әкімдігі подъездер мен аулаларды дезинфекциялау жұмыстарын күшейтпек, деп хабарлайды "Ұлт ақпарат".

Бұған дейін бұл жұмысты ПИК пен басқарушы компаниялар атқарып келсе, енді 25 наурыздан бастап тұрғындардың өтінішіне орай карантин режімінде бұл жұмыстарды әкімдік өз мойнына алды. 

Төтенше жағдай бойынша құрылған жедел штаб осындай шешім қабылдады. Енді қаладағы 4 мыңнан астам аула мен 24 мың подъезге санитарлық тазалау жұмысы жүргізіледі. Дезинфекция жұмысын арнайы компания аптасына екі рет бекітілген кестеге сәйкес атқарады. 

Осы орайда айта кету керек, бір күн ішінде қаланы түгел қамту мүмкін болмайтындықтан, қала аумағы үш бөлікке бөлінген. 

«Подъездердегі тұтқаларды, кірберістерді жуып тазалау ПИК тарапынан жасалады. Кез келген сұрақ бойынша Open Almaty 1308 нөміріне хабарласуға болады. Барлық ресми ақпаратты Алматы қаласы әкімдігінің ресми сайтынан және әлеуметтік парақшасынан да оқи аласыз. Қосымша ақпараттар Stopcov Almaty Telegram-каналына және Darmen қосымшасына жедел жарияланып отырады», - деді әкімдіктен.

0 пікір

Пікір қалдыру

Чтобы оставлять комментарий нужно зарегистрироваться или авторизироваться
БАННЕР

Аймақтар жаңалықтары

Басқа да мақалалар