#
#
Бейсенбі 24/10/2019

Ақтауда жаппай төбелес болды

  • 23.09.2019
  • 0
  • 245

Ақтауда 12-ші шағынаудандағы №61 үйдің жанында жаппай төбелес болды, деп хабарлайды "Ұлт ақпарат".

Оқиға 22 қыркүйек күні кешкі сағат 19.30 шамасында болған. Футболдан ойын өтіп, командалар арасындағы бәсеке барысында №16 және №12 мектеп оқушыларының арасында жанжал туындаған. Оның соңы төбелеске ұласады. Куәгерлер оқиғаны видеоға түсіріп алып, әлеуметтік желіге таратқан.

МО полиция департаментінің хабарлауынша, төбелеске қатысқан балалар ұсталған.

«102» кезекші пультіне 12-шағынауданда төбелес болғаны туралы шақыру келіп түсті. Шақыруға патруль полиция батальонының қызметкерлері мен учаскелік инспекторлар барды. Аталған төбелеске қатысушылардың барлығы ұсталып, жауап алу үшін Ақтау қаласының полиция басқармасына жеткізілді. Төбелеске қатысы бар жасөспірімдер профилактикалық әңгімеден кейін үйіне жіберілді. Аталған факті «Бұзақылық» бабы бойынша тіркелді. Алайда, барлық мән-жай анықталғаннан кейін қылмыстық іс қозғалған жоқ»,-делінген хабарламада.

Полиция басқармасына ешқандай шағым түспеген.

Ата-аналар полиция басқармасына шақырылып, ювеналдық полиция қызметкерлері мен облыс әкімдігі жанындағы балалар құқығын қорғау бөлімінің қызметкерлері ата-аналармен және олардың балаларымен профилактикалық әңгіме жүргізді.

0 пікір

Пікір қалдыру

Чтобы оставлять комментарий нужно зарегистрироваться или авторизироваться
БАННЕР

Аймақтар жаңалықтары

Басқа да мақалалар