30 нау, 2020 сағат 12:12

31 наурыздан бастап Жамбыл облысында шектеу шаралары енгізіледі

31 наурыздан бастап Жамбыл облысында шектеу шаралары енгізіледі, деп хабарлайды "Ұлт ақпарат".

Шектеу шаралары:

1) Транзиттік және азық-түлік тауарларын тасымалдайтын автокөліктерден басқа, барлық көлік түрлері үшін және азаматтар үшін Жамбыл облысы аумағы мен Тараз қаласына кіріп-шығуға тыйым салынады;

2) Ірі сауда орталықтары қызметтерін тоқтатады;

3) Бөлшек сауда базарлары сағат 10.00-ден 17.00-ге дейін санитарлық-дезинфекциялық режімді қатаң сақтай отырып жұмыс істейді;

4) Көтерме азық-түлік қоймалары мен базарлар, супермаркеттер, азық-түлік сауда орындары, тұрғын үй жанындағы дүкендер мен дәріханалар қалыпты режімде жұмысын жалғастырады;

5) Қоғамдық тамақтану нысандары жеткізіп беру режіміне көшеді;

6) Жамбыл облысының тұрғындарына үйінен аса қажеттілік болмаса шықпауға шақырады;

7) Тұрғындардың үш адамнан артық емес топтасып жүруін (отбасы мүшелерін қоспағанда) шектеу қажет.