24 мам, 2020 сағат 21:37

25 мамырда ел өңірінің басым бөлігінде аптап ыстық болады

25 мамырда Қазақстан территориясы жоғары қысым аумағында болғандықтан, жауын-шашынсыз ауа райы күтіледі, тек республиканың солтүстік батысында кей жерлерде өткінші жаңбыр жауып, найзағай, дауыл болуы ықтимал, деп хабарлайды "Ұлт ақпарат" Қазгидромет» РМК-ға сілтеме жасап.

Қызылорда облысының кей жерлерінде шаңды дауыл тұрады, жел түнде кей жерлерде 15-20 м/с, күндіз 15-20, кей жерлерде 25 м/с күшейеді.

Ақтөбе облысының кей жерлерінде күн күркірейді, дауыл, күндіз желдің екпіні -18 м/с. 

Алматы, Жамбыл, Түркістан, Маңғыстау облыстарының кей жерлерінде шаңды дауыл созуы мүмкін, желдің екпіні 15-20 м/с, ал Жамбыл, Түркістан облыстарында жылдамдығы 23 м/с жетеді.

Күндіз Атырау, Батыс Қазақстан, Қостанай, Шығыс Қазақстан облыстарында, Қарағанды облысының оңтүстігінде жел 15-20 м/с күшейеді. Ақмола, Алматы, Жамбыл, Түркістан, Қызылорда, Маңғыстау, Ақтөбе, Солтүстік Қазақстан, Павлодар, Қарағаңды облыстарында, Атырау, Қостанай облыстарының оңтүстігінде қатты ыстық күтіледі. 

Шығыс Қазақстан облысының солтүстігінде өте жоғары өрт қаупі сақталады.