30 мау, 2019 сағат 09:10

21 жастағы қазақ боксшысы мексикалықты 90 секундта жеңді (Видео)

Қазақстандық боксшы Садриддин Ахмедов (8-0, 7 КО) кәсіби мансабында тоғызыншы жекпе-жегін өткізді, деп хабарлайды "Ұлт ақпарат".

Ол Тетфор Миндегі (Канада) бокс кеші аясында өнер көрсеткен-тін. Сегіз раундқа есептелген бірінші орта салмақтағы жекпе-жекте 21 жастағы қазақстандық панчер мексикалық Даниэль Вега Котамен (14-3-1, 11 КО) кездесіп, оны техникалық нокаутпен 90 секундта жеңді. Оның алдында қарсыласын екі рет нокдаунға түсірді.  

Бұл Ахмедовтің кәсіпқой рингтегі тоғызыншы жеңісі, соның ішінде сегізін мерзімінен бұрын аяқтаған. Ал Кота мансабында төртінші рет жеңілді.

Еске салайық, Садриддин Ахмедов әуесқой бокста жастар арасындағы Әлем чемпионы атағын жеңіп алған. Кәсіпқой бокста екі титул - бірінші орта салмақтағы WBC «жастар» белбеуін және осы дивизионда WBC Asia белбеуін иеленді.