31 нау, 2020 сағат 21:46

1 сәуір күні елдің басым бөлігінде жауын-шашын күтіледі

1 сәуір күні атмосфералық фронттардың өтуіне байланысты республиканың басым бөлігінде жауын-шашын жауады. Тек шығыста және солтүстік-шығыста жауын-шашынсыз ауа райы сақталады. Жекелеген өңірлерде тұман күтіледі, екпінді жел тұрып, оңтүстікте және оңтүстік-батыста найзағай ойнайды, деп хабарлайды "Ұлт ақпарат".

«Қазгидромет» РМК мәліметінше, Жамбыл, Түркістан облыстарының кей жерлерінде тұман күтіледі, желдің екпіні күндіз 23-28 м/с күшейеді. 

Қызылорда облысының кей жерлерінде желдің күші 23-28 м/с артады. 

Алматы облысының күндіз кей жерлерінде жел 15-20 м/с дейін күшейеді, Жалаңашкөл ауданында желдің екпіні 25 м/с жетеді. 

Шығыс Қазақстан облысының түнде және таңертең кей жерлерінде тұман болжанады. Желдің жылдамдығы 15-20 м/с артады, Жарма ауданында екпіні 23-28 м/с күшейеді. 

Күндіз Павлодар, Атырау облыстарының кей жерлерде жел 15-20 м/с күшейді. 

Маңғыстау, Қостанай, Қарағаңды облыстарының кей жерлерінде тұман күтіледі.